

D2847

རྟེན་ཡོངས་སུ་དག་པར་བྱ་བ་དང་། ཆོ་ག་ཕུན་སུམ་ཚོགས་པར་བྱའོ། །ཚ་ཚ་འདེབས་པའི་ཆོ་ག་རྫོགས་སོ།།[་]@#། །འཕགས་པ་སྤྱན་རས་གཟིགས་གསེར་མདོག་ཅན་ལ་ཕྱག་འཚལ་ལོ། །ཡོན་ཏན་མ་ལུས་རྒྱ་མཚོ་ཡི། །མཐར་ཕྱིན་གསེར་འོད་ ཁ་དོག་ཅན།།མཛད་པ་གཅིག་གིས་གདུལ་བྱ་ཡི། །དཔག་མེད་དོན་གྲུབ་ཉིད་ཞབས་འདུད། །སྔོན་དུ་གོམས་པ་ཐོབ་པ་ཡིས། །ཚོགས་པ་ཚང་བར་བྱས་ནས་ནི། །སྙིང་རྗེ་ཅན་གྱི་པགས་པ་ལ། །མི་གཡོ་རྡོ་རྗེའི་ཕྱག་རྒྱས་འདུག་།མེ་ཡི་ལས་སམ་གཏོར་མར་བཅས། །གུས་པ་དྲག་པོས་ མཆོད་སྔོན་འགྲོ།།རིམ་དང་ཅིག་ཅར་བསྐྱོད་པའི་རིམ། །མཁས་པས་རྫོགས་པའི་རིམ་པ་བསྒོམ། །ཇི་སྙེད་སྐུ་གསུང་ཐུགས་རྟེན་ཡོད། །དེ་སྙེད་སྟོན་པ་ཉིད་ཡིན་ཏེ། །རབ་ཏུ་གནས་པ་མི་འཐད་མོད། །ལྷག་པར་གནས་ཕྱིར་རབ་གནས་བརྗོད། །དེ་ལ་སྐུ་ཁྲུས་བྱུག་པ་སོགས། །ཕུ་དུད་ བྱས་ལ་མཛེས་ཞུགས་ཏེ།།སློབ་དཔོན་ལྷ་ཡི་ང་རྒྱལ་གྱིས། །ཡེ་ཤེས་བསྡུས་ལ་གཉིས་པ་གཞུག་།ོཾ་ཨཱཿཧྲཱིཿཛཿ། ཨོཾ་ཨཱཿཧྲཱིཿཧཱུཾ། ཨོཾ་ཨཱཿཧྲཱིཿབཾ། ཨོཾ་ཨཱཿཧྲཱིཿཧོཿ། རྡོ་རྗེ་ཁུ་ཚུར་གཉིས་བཅིངས་ལ། །མཐེའུ་ཆུང་ལུ་གུ་རྒྱུད་དུ་སྦྲེལ། །མཛུབ་མོ་གཉིས་ནི་ལྕགས་ཀྱུའི་ཚུལ། །རྒྱུ་འདི་ ཡེ་ཤེས་དགུག་པའོ།།དེ་ལས་མཛུབ་མོ་གཉིས་བཀུག་དང་། །རྡོ་རྗེ་བསྡམས་དང་གར་བསྒྱུར་བ། །དགུག་པ་བཅིང་དང་དགྱེས་བྱ་བ། །རིམ་པ་བཞིན་དུ་ཤེས་པར་བྱ། །ཇི་ལྟར་བདག་ཉིད་ལ་བཅིངས་པ། །དེ་བཞིན་རྟེན་ལ་ཡང་ཡིན་ཏེ། །བཅིངས་ནས་དབང་བསྐུར་རྒྱས་གདབ་དང་། །མཆོད་པ་ ལ་སོགས་བདག་འཇུག་བཞིན།།ོཾ་ཨཱཿཧྲཱིཿབཛྲ་ཀཱ་ཡ་ཝཱཀ་ཙིཏྟ་པྲ་ཏིསྠི་རཱ་ཧཱུཾ་ཧཱུཾ་བཛྲ་ཛྙཱ་ན་ཨ་དྷིཥྛཱ་ནི་སརྦ་ལཀྵ་ཎ་པ་རི་པཱུ་ར་ཧཱུཾ་ཧཱུཾ་ཧཱུཾ་སརྦ་དྷ་རྨཱཿསྭ་བྷཱ་བ་བི་ཤུདྡྷཱ་བི་མ་ལ་ད་མ་ཧཱུཾ་ཧཱུཾ་ཧཱུཾ། རྡོ་རྗེའི་ལུས་ཀྱི་པདྨའི་ལག་།རིན་ཆེན་མེ་ཏོག་སྙིམ་པར་བཟུང་། །འཁོར་ལོའི་གར་བསྒྱུར་རྒྱ་གྲམ་གྱི། །ཕྱག་རྒྱ་ལྡན་ པས་གཏོར་བར་བྱ།།དེ་ནས་མེ་ཏོག་རྩི་ཐོག་བཅུད། །དྲི་བཟང་མང་དང་ལྡན་པ་ཡི། །གསེར་གྱི་ཐུར་མ་རྡོ་རྗེས་མཚན། །ཐོགས་ལ་མཁས་པས་སྤྱན་དབྱེའོ། །ོཾ་ཨཱཿཧྲཱིཿཙཀྵུ་ཙཀྵུ་བཛྲ་ཙཀྵུ་ས་མནྟ་ཙཀྵུ་པི་ཤོ་དྷ་ཡ་ཙཀྵུ་ཡེ་སྭཱ་ཧཱ། ཅི་འབྱོར་པའི་ཡོན་ཕུལ་ཏེ་བཟོད་པར་གསོལ་ནས་འཁོར་བ་ཇི་ སྲིད་བར་བཞུགས་སུ་གསོལ་བ་དང་།ཕྲིན་ལས་ལ་ཐོགས་པ་མེད་པར་གསོལ་བ་བཏབ་ལ། དགའ་སྟོན་དང་མཆོད་སྦྱིན་ཆེན་པོས་ཐམས་ཅད་ཡོངས་སུ་ཚིམ་པར་བྱའོ། །ོཾ་ཨཱཿཧྲཱིཿཧོཿ། རབ་ཏུ་གནས་པའི་ཆོ་ག་གྲུབ་པ་བརྙེས་པའི་པཎྜི་ཏ་ཆེན་པོ་ཨ་ཛི་ཏ་མི་ཏྲ་གུཔྟས་མཛད་པ་རྫོགས་ ་སོ།